У праграме – больш за 40 артыстаў, актыўнасці розных накірункаў і забаўляльная зона для дзяцей.
Найбольш яркія моманты мінулага фэсту прыгадала суарганізатарка Руся.
– З мінулага Варашнюка мне больш за ўсё спадабаўся перфоманс спеваў каля вогнішча. Гэта было так сакральна, калі выйшлі дзеўкі, вогнішча вышэй за чалавечы рост, і дзеўкі пачалі галасіць – усе пасля гэтага атрымалі духоўны трып. Гэта было вельмі моцна, і наогул усе артысты, візуал, людзей – мы чакалі 1000, а прыйшло амаль 3000. Так шмат беларусаў у адным месцы.
«Перакананая, што сёлета фэст таксама будзе больш як цікавым і захапляльным», – дадала Руся.
Нагадаем, фэст адбудзецца на пляцоўцы Rejs Klub.
Квіткі яшчэ можна набыць па спасылцы.
Марына Савіцкая, Беларускае Радыё Рацыя
