Сёння ў Варшаве адбудзецца прэзентацыя кнігі “Дзённікі ўцекачоў”, заснаванай на рэальных гісторыях людзей з розных краін і перакладзеных на польскую мову. Сярод аўтараў – і беларуская паэтка, актрыса і НЛП-трэнерка Дзіяна Балыка.
“Для мяне было важна данесці палякам, у якой сітуацыі апынуліся жыхары маёй краіны”, – распавяла дзяячка:
– Я пісала пра тое, што я не хацела забраць працоўныя месцы ў палякаў, не хацела забраць нейкія іх падаткі, якія я атрымала як грашовую дапамогу, калі падалася на міжнародную абарону. Я хацела жыць і працаваць у сваёй краіне, якую я вельмі люблю, бачыць сваіх бацькоў, абдымаць іх, але не маю магчымасці.
Кнігу “Дзённікі ўцекачоў” прадставяць у музеі POLIN (Anielewicza 6). Пачатак імпрэзы ў 18:30.
Цалкам матэрыял слухайце ў далучаным файле:
Беларускае Радыё Рацыя
