У Варшаве завяршаецца музычная рэзідэнцыя. Яе вынікам стане вялікі канцэрт свежасфармаванага калектыву OliA Shnip band, які цяпер грае ў розных жанрах ад хіп-хопа і джазу да оперы і гранжу. Імпрэза пройдзе пры ўдзеле Варшаўскага Вольнага Аркестру.
Пакуль жа адбылася «рэпетыцыя» падзеі – без аркестру, але са спецыяльнымі гасцямі – гуртом Luty Sakavik. Пра канцэртны сэтліст і не толькі нашая карэспандэнтка Марына Савіцкая паразмаўляла з заснавальніцай і вакалісткай калектыву Воляй Шніп.
— Шмат музыкі, якую яшчэ не чулі. І гэта музыка ўся майго кампазітарства, і вядома, гэта музыка розная. Кожная песня мае сваю гісторыю, жанр і стыль.
РР: Ці можна лічыць гэта рэпэтыцыяй перад імпрэзай 18-га студзеня?
— Так, я думаю, што можна, бо хоць склад і будзе іншы, бо мы граем толькі ўшасцярых, а 18 студзеня нас будзе 20 чалавек на сцэне.
Аўтары праекту OliA Shnip band – спявачка Воля Шніп і яе муж, былы палітвязень, саўндпрадзюсер Антон Шніп.
Вялікі канцэрт гурта адбудзецца 18 студзеня па адрасе Pulawska 114, Warszawa.
Беларускае Радыё Рацыя
