У зале Яна Паўла Другога ў касцёле Святога Аляксандра адбыўся калядны канцэрт лідскага барда Сяргея Чарняка. Сяргей выконваў песні на вершы беларускіх паэтаў: Алаізы Пашкевіч (Цёткі), Ларысы Геніюш, Рыгора Барадуліна і Станіслава Судніка з Ліды. Некалькі калядных песень Сяргей праспяваў на вершы Францішка Багушэвіча.
Спявае Сяргей Чарняк:
Слухачы былі ў захапленні ад выканання бардам сваіх песень і ад яго каментароў да іх. Гавораць удзельнікі канцэрта:
-Канцэрт вельмі цёплы, добры. І сапраўды, так прыемна слухаць беларускую мову!
-Беларусы беларусеюць вось такімі сустрэчамі.
Канцэрт доўжыўся паўтары гадзіны. Але слухачы не разыходзіліся. Хто фатаграфаваўся з Сяргеем, хто задаваў пытанні, хто дзякаваў. У зале была творчая і святочная атмасфера адначасова.
Беларускае Радыё Рацыя
