У Варшаве адбыўся вялікі электрычны канцэрт бярозаўскага гурта “:B:N:”. Імпрэза прайшла ў клубе Scena Chmielna.
Цягам выступу музыкі зайгралі як вядомыя кампазіцыі, так і новыя. Сярод апошніх – песня “Не падман”, кліп на якую выйшаў днямі. Таксама прыемным бонусам імпрэзы сталі і беларускія цукеркі – падарункі дзяўчатам да 8 сакавіка: іх вакаліст бэнду ўручыў прыхільніцам падчас канцэрту. Пра ідэю і рэалізацыю распавядаюць удзельнікі “:B:N:” Вікторыя і Алесь Лютыч:
– З цукеркамі ідэя прыйшла арганізатарам. Прапанавалі напісаць, што будзем віншаваць жанчын цукеркамі. Напісалі ў прэс рэлізе, а пасля думаем, а як гэта ажыццяўляць? Можна купіць і польскія, але хацелася каб гэта было штосьці з Радзімы.
– Потым мы прыгадалі, што ёсць сябра, які часта ездзіць. Папрасілі прывезці.
Завяршыўся канцэрт выступам гурта “:B:N:” на біс.
Беларускае Радыё Рацыя
