У Варшаве адбыўся канцэрт беларускіх музыкаў Юстыны Карпіловіч і яе бацькі Змітра Бартосіка. Цягам імпрэзы прагучалі як вядомыя, так і свежыя кампазіцыі, аўтарскія і не толькі. Пачалі і завяршылі імпрэзу музыкі фолькавымі спевамі. Чаму – тлумачыць Юстына Карпіловіч:
– Мы ўвогуле вельмі часта так робім, што пачынаем з нейкіх народных песень і ўвогуле сумяшчаем народнае з аўтарскім таму, што яно так гучыць больш разнастайна, людзям больш цікава слухаць. Я лічу, што народнае заўсёды трэба прасоўваць, каб у людзей не было нейкай асацыяцыі, што гэта могуць спяваць толькі нейкія там бабулькі. Было шмат новых песень, якія я яшчэ нідзе не спявала, якіх няма нідзе ў сацсетках.
Цалкам гутарку слухайце ў далучаным гукавым файле:
У канцэрце, акрамя Юстыны Карпіловіч і Змітра Бартосіка, прынялі ўдзел вакаліст Геральд Бартосік і баяністка Таццяна Карпіловіч, брат і маці артысткі.
Імпрэза прайшла ў клубе Scena Chmielna пры поўнай залі.
Цалкам паглядзець выступ творцаў можна ў інстаграм-акаўнце Беларускай Асацыяцыі Палітвязняў “Да Волі”.
Беларускае Радыё Рацыя
