Усе сабраныя сродкі пойдуць у падтрымку дзіцячым дамам, якія дапамагаюць пасля эвакуацыі з Украіны ў Польшчу.
«Гэтым разам да нас далучылася шмат файных артыстаў», – распавяла суарганізатарка падзеі, вакалістка гурту ІЗЗІ Анастасія Меншыкава:
— Мы робім «Завжди вільна» пяты раз. Гэта цалкам дабрачынны праект. І кожны раз мы хочам больш, хочам вышэй, хочам лепш. І ў нас выходзіць.
І нам вельмі прыемна, што артысты не адмаўляюцца. У нас няма артыстаў, якія адмаўляюцца, нашыя знаёмыя. Мы ўжо пішам буйным артыстам. Сёння гэта LAUD, які спецыяльна да нас прыехаў.
А для нас гэта паказнік, што мы ўсё робім правільна. Аналагаў праекту «Завжди вільна» ўвогуле ў Варшаве няма. Гэта, па-першае, дабрачыннасць, па-другое, культура.
Імпрэза адбылася ў клубе “Scena Chmielna”. Да яе далучыліся Romario Punch, MORPHOM, LAUD, а таксама гурты ALTER STATЕ, RVAŃ, Karlen&Co і ІЗЗІ.
Марына Савіцкая, Беларускае Радыё Рацыя
