Імпрэза адбудзецца ў клубе Scena Chmielna у ноч з 31 снежня на 1 студзеня. У праграме – конкурсы, выступ кавер-гурта G Ducks, фотазона і іншае. “Але важна ў нашай падзеі не толькі гэта”, — распавяла суарганізатарка імпрэзы Любоў Шыбаршына.
— Галоўнае, на маю думку, будзе мажлівасць правесці Новы год са сваімі ж беларусамі. Бо, бадай што многія ўжо даволі даўно у эміграцыі і нібы маюць свае кампаніі, суполкі, усё адно людзям не стае камунікацыі. Фактычна, ідэя правесці Новы год у беларускім клубе, у цэнтры Варшавы, вельмі добрая, бо людзі змогуць знайсці новае знаёмства, змогуць адпачыць.
Цалкам слухайце ў далучаным гукавым файле:
“Мы хочам стварыць такое свята, каб беларусы на ім адчулі сябе, як дома”, — дадала суарганізатарка.
Беларускае Радыё Рацыя
