Беларусы Варшавы паглядзелі дакументальны фільм «Смеласць» беларускага рэжысёра Аляксея Палуяна.
Кінапаказ адбыўся ў Witrynе Domu Wschodniego. Фільм пра падзеі 2020 года, калі дзясяткі тысяч людзей выйшлі бараніць свой выбар падчас прэзідэнцкіх выбараў.
Трагедыя краіны перадаецца праз трох акцёраў беларускага Свабоднага тэатра — Марыну, Паўла і Дзяніса. Яны становяцца сведкамі і ўдзельнікамі паслявыбарчых падзеяў у Беларусі.
Гаворыць Аляксей Палуян:
– Фільм пра смеласць беларусаў, якія ў 2020 годзе пераадолелі свой страх. Кожны па-своему пераадольваў. Кожны не адразу, павольна. Але гэты працэс адбыўся. Я лічу, што гэты працэс ідзе, павольна, але ён ідзе. Гэта марафон. Мы зараз на шляху да нашай перамогі. Проста ён вельмі доўгі.
Фільм Аляксея Палуяна «Смеласць» трапіў у лонг-ліст кінапрэміі «Оскар» у катэгорыі «Лепшы дакументальны фільм». Зараз стужка дэманструецца ў Еўропе. Закрыты паказ адбыўся нават у Беларусі.
Цалкам матэрыял:
Беларускае Радыё Рацыя
