Сёння (у нядзелю, 9 лютага) у Варшаве пакажуць фільм “Купала”. Карціна распавядае пра лёс народнага паэта Беларусі. Госцем падзеі стане акцёр Алег Гарбуз.
Распавядае арганізатарка імпрэзы Ганна Прышывалка:
– Мы хочам запрасіць усіх, хто цікавіцца беларускай культурай. Мне здаецца, што ёсць такі пласт моладзі і людзей больш сталага ўзросту, каму хацелася б знайсці такую суполку, у якой можна было б не толькі размаўляць на беларускай мове, але і неяк яе “пампаваць”. Мы прыдумалі зрабіць кінапрагляд беларускага фільму «Купала» і запрасіць у госці Алега Гарбуза, які непасрэдна прымаў удзел у здымках, здымаўся ў гэтай кінастужцы. Што цікава, ён яшчэ сам не глядзеў. Таму ён прыйдзе і будзе глядзець кінастужку разам з намі.
Пасля прагляду фільма чакаецца абмеркаванне карціны.
Мерапрыемства пройдзе у лакацыі “Прастора” (Hoża 41, lok 2). Пачатак у 18:00.
Цалкам матэрыял:
Беларускае Радыё Рацыя
