У Варшаве ў сераду, 17 снежня, пакажуць пастаноўку “Жарсці Караткевіча”. Івэнт, прысвечаны 95-годдзю пісьменніка, пройдзе ў Музеі Вольнай Беларусі.
Як распавёў сцэнарыст-рэжысёр івэнту Васіль Дранько-Майсюк, гэта будзе “дакументальна-фантазійная імпрэза ў адной дзеі”.
– Там цудоўным чынам пераплятаюцца ўспаміны пра яго, вытрымкі з рэцэнзій на ягоныя творы, прытым рэдкія вытрымкі, самі ягоныя вершы, урыўкі з раману, з аповесцяў, таксама там ёсць вершы і Леаніда Драньк-Майсюка, бо ў яго была цэлая паэма, прысвечана «Ладдзі Роспачы», герою Гервасію Выліваху. І ўсё гэта нейкі дзіўны кактэйль, сінтэз, мэта якога паказаць праўдзівага Караткевіча, які кахаў, любіў. Хочацца зрабіць нейкую жывую, вясёлую рэч, якая зачэпіць нас і натхніць. Бо Караткевіч быў тым пісьменнікам, які ўмеў натхняць.
Таксама ў пастаноўцы задзейнічаная і актрыса Алена Баярава.
Цалкам матэрыял:
Беларускае Радыё Рацыя
