Ён прысвечаны першым дням пратэстаў у Беларусі ў 2020-м годзе. Убачыць пастаноўку можна будзе ў нядзелю, 26-га траўня, у Музеі Вольнай Беларусі. Распавядае рэжысёр Андрэй Новік.
— Гэта спектакль пра першыя дні пратэстаў, пра самыя страшныя і крывавыя старонкі ў нашай самай сучаснай гісторыі. Аб тым, што адбывалася ў засценках РАУС, аб тым, як сябе паводзілі і як там існавалі людзі, як з аднаго, так і з другога боку. Прэм’ера адбылася 4 чэрвеня 2023 года, але варта адзначыць, што спектакль быў створаны за рэкордна кароткія тэрміны. За 2 тыдні мы яго паставілі ад нуля.
Сярод акцёраў пастаноўкі – Дар’я Новік, Марыя Пятровіч, Максім Шышко, Ігар і Валерыя Сіговы, Аляксей Сапрыкін і іншыя.
Марына Савіцкая, Беларускае Радыё Рацыя
