У Варшаве ў рамках развітальнага туру адбыўся канцэрт гурта “Петля Пристрастия”.
Заспяваць любімыя песні, патанчыць і падтрымаць музыкаў сабралася поўная заля клубу Palladium. Распавядае сузаснавальнік і басіст бэнду Цімафей Савіцкі:
– Тур праходзіць добра, такая рабочая атмасфера, усё атрымліваецца, нягледзячы на тыя мэты, які пабудзілі гэты тур назваць апошнім, развітальным. Дарослыя хлопцы-прафесіяналы ўжо, робім сваю справу ў апошні раз.
Таксама на канцэртах бэнду ў Польшчы выступае і малады гурт Prypiać. Яго заснавальнік – сын Цімафея – Казімір Савіцкі. Ён адзначае:
– Уражанні цудоўныя, канцэрты таксама праходзяць проста выдатна. Дзесьці, канешне, публіка незнаёмая яшчэ з нашымі творамі, але тым не менш у некаторых гарадах, у Кракаве, крычалі нам, напрыклад: Прыпяць! Прыпяць”
Гітарыст бэнду Prypiać, а па сумяшчальніцтве і ўдзельнік гурта “Разбітае сэрца пацана” Дзяніс Тарасенка дзеліцца:
– Ёсць адчуванне, што гэта не апошні раз. У мяне нейкае ўнутранае пачуццё, што гэта яшчэ будзе. На такія туры мы яшчэ з’ездзім не раз.
Гурт “Петля пристрастия” яшчэ чакаюць завяршальныя канцэрты ў Батумі, Тбілісі, Ерэване і Лімасоле. Апошні выступ пройдзе на пачатку снежня.
Беларускае Радыё Рацыя
