10 снежня ў Міжнародны дзень абароны правоў чалавека адбылася прэзентацыя музычнага альбома «Пазначаныя жоўтым». Прэзентавалі альбом прадстаўніца праваабарончага цэнтра «Вясна» Дыяна Пінчук, аўтарка ідэі, менеджэрка і рэжысёрка Крысціна Дробыш і былы палітзняволены Алесь Папковіч з музычнага гурта «Дзея». Альбом складаецца з шасці трэкаў, якія адлюстроўваюць шлях палітвязня ад затрымання да вызвалення.
Ён з´яўляецца, па словах Крысціны, своеасаблівай дакументацыяй рэпрэсій у Беларусі:
-А ідэя скласці альбом нарадзілася з нейкага выпадковага відэа, якое мне сябар даслаў. Там была зачытана на музыку апошняя прамова палітзняволенай. І гэта была нават не беларуская гісторыя. Я так уразілася. І падумала, а чаму б не зрабіць такое пра нашыя рэаліі.
На жаль, паслухаць сам альбом не прадставілася магчымым. Па словах прэзентуючых, яго надта цяжка слухаць, і лепш гэта зрабіць праз інтэрнэт.
Цалкам матэрыял:
Беларускае Радыё Рацыя
