4 лютага ў Вільні а 19:00 ў CreateCulture Space адбудзецца адкрыццё дабрачыннай выставы-продажу, якая дапаўняе бягучую экспазіцыю Ніны Маргаевай.
На выставе будуць прадстаўлены працы іншых мастакоў і мастачак, а таксама творы самой Ніны, якія можна набыць.
Як паведамляюць арганізатары, усе сабраныя сродкі (за вылікам падаткаў) будуць накіраваныя ў падтрымку Ніны Маргаевай, якой у студзені 2023 года быў дыягнаставаны бакавы аміятрафічны склероз (БАС) — рэдкае і невылечнае захворванне, што патрабуе пастаяннай медыцынскай дапамогі і лячэння.
Выстава будзе доўжыцца да 20 лютага ўключна.
Беларускае Радыё Рацыя
