«Чортава дачка»!(16+) – у Вільні 20 лютага беларускія акцёры пакажуць містычны спектакль-казку. Ён заснаваны на чарадзейнай частцы беларускага фальклору. У пастаноўцы бяруць удзел акцёры Зміцер Рачкоўскі, Марына Здаранкова, Сяржук Тоўсцікаў, Наста Ушакова, Алег Мяцеліца.
Як кажа Сяргей Тоўсцікаў, сцэнарыст, аўтар п’есы і рэжысёр Сяргей Здаранкоў сабраў некалькі міфаў і казак у адзіную гісторыю:
– Гэта ўсё пра чартаўшчыну, пра нячысцікаў, пра ваўкалакаў, пра цмокаў, пра чарнакніжнікаў. Ёсць чалавек, ёсць яго брат, і вось яны боўтаюцца паміж гэтых вадзяніцаў і г.д. Нам самім цікавая гэтая тэма. І мы самі ўкладваемся, і маральна, і фізічна, і матэрыяльна – кожны як можа, у гэтую гісторыю.
Спектакль «Чортава дачка» пройдзе на беларускай мове ў арт-прасторы а 19.00 па адрасе: Vilnius P. Vileišio gatvė 18N.
Падрабязную інфармацыю пра спектакль і квіткі можна знайсці па спасылцы.
Беларускае Радыё Рацыя
