Сваю працу ў Вільні працягвае тэатральна-фальклорная студыя “Ў нескладанае”.
Яна скіраваная найперш на прадстаўнікоў беларускай дыяспары. Да канца года плануецца правесці яшчэ тры сустрэчы па суботах, — распавёў адзін з заснавальнікаў Сяржук Тоўсцікаў:
– Асноўны накірунак наш не змяніўся. Мы беларусы ў Літве, мы спрабуем не страціць адзін аднаго, камунікуем. Тут у нас такая творчая глеба для ўзаемадзеяння, праз пастаноўку спектакля. Збіраемся, штосьці шукаем. Свая такая школа тэатральная атрымалася.
У студыі “Ў нескладанае” выкладаюць актор тэатру і кіно з 25-гадовым досведам Сяржук Тоўсцікаў і дудар, навуковец Вячка Красулін. Сустрэчы адбываюцца раз на тыдзень па суботах.
Беларускае Радыё Рацыя
