У Вільні ажыццяўляецца крэатыўны праект “КінаКаляды48” пра беларускія традыцыі святкавання Калядаў. Як заяўляюць арганізатары, зарэгістраваць каманду і далучыцца да КінаКаляднага руху, які ўжо трэці год збірае вакол больш за 100 чалавек з розных краін, можна ўжо зараз. А асноўная праца пачнецца з 13 снежня.
Каманды будуць здымаць свой уласны кароткаметражны калядны фільм за 48 гадзін.
Як кажа прадзюсарка «КінаКалядаў48» Надзея Ількевіч, гэта чэлендж для ўдзельнікаў любой падрыхтоўкі з розных краінаў, якія хочуць прымяніць свае навыкі ці паспрабаваць упершыню напісаць сцэнар і зняць кіно.
– Робім чэлендж па стварэнні фільмаў за 48 гадзін. Гэтая канцэпцыя ўзятая са шматлікіх конкурсаў, якія праводзяцца ў свеце. Ёсць нават такія курсы, якія ладзіць кінафестываль у Таронта, ці яшчэ якія іншыя фестывалі. І мы ўзялі такую канцэпцыю, каб натхніць людзей здымаць свае калядныя кароткаметражныя фільмы, каб тыя, хто ўдзельнічаюць, змаглі трохкі пераасэнсаваць тэму Раства, Новага году.
Арганізатары заклікаюць усіх жадаючых прадэманстраваць сваю крэатыўнасць і разам з камандай зарэгістравацца на праект па спасылцы: https://createculture.group/kinakaliady48#rec66724952
Усе фільмы будуць складзеныя ў альманах і паказаныя ў кінатэатры ў Вільні.
Удзельнічаць можна як афлайн у Вільні, так і анлайн. Колькасць каманд неабмежаваная.
Цалкам гутарку слухайце ў далучаным файле:
Беларускае Радыё Рацыя
Фота з архіву Надзеі Ількевіч
