Улады Гародні адмовіліся павесіць шыльду на доме, у якім жыў народны пісьменнік Васіль Быкаў.
Петыцыя з адпаведнай просьбай да чыноўнікаў з’явілася на сайце petitions.by. Яе аўтары прасілі ўсталяваць мемарыяльную шыльду на доме 28 па вуліцы Вялікая Траецкая. Менавіта ў гэтым доме з 1958 года жыў Васіль Быкаў, уганараваны шэрагам дзяржаўных узнагарод у савецкі час.
Аўтары петыцыі падкрэслівалі, што адсутнасць шыльды перашкаджае належнаму ўшанаванню яго ўнёску ў беларускую і сусветную літаратуру. Аднак адказ чыноўнікаў быў адмоўны. Яны заявілі, што ў горада няма фінансавання на стварэнне “аб’ектаў манументальнага мастацтва”, а таксама дадатковых крыніц фінансавання.
Сёлета споўнілася 100 гадоў з дня нараджэння Васіля Быкава.
