У рамках фестывалю Kołowrotek, што аб’ядноўвае вёскі Канюкі і Трасцянка, адбылася цёплая сяброўская сустрэча з народным разьбяром Уладзімірам Навумюком, які сёлета адзначыў сваё 90-годдзе.
Для майстра з Канюкоў гэта стала не толькі падставай для віншаванняў, але і магчымасцю агучыць тое, што баліць:
– Беларускае да канца будзе беларускім. Ніхто тут не зможа змяніць. Трэба ўсё ведаць, мовы таксама, але і не пакідаць свайго. Маю гасцей, якія ўдзельнічалі разам са мной у творчасці. Вельмі задаволены, што яшчэ помняць пра мяне.
Падчас сустрэчы майстар зладзіў экскурсію па сваёй хатняй майстэрні, якая стала сапраўдным міні-музеем драўлянай разьбы. Уладзімір Навумюк нарадзіўся ў Канюках у 1935 годзе, узнагароджаны медалём «Gloria Artis», ганаровы грамадзянін гміны Заблудаў, яго працы знаходзяцца ў розных краінах свету. Але сам ён — тут, жыве сярод сваіх, і па-ранейшаму гаворыць на мове продкаў: «Я просты хлопец. Але маю навакол добрых людзей».
Цалкам матэрыял:
Беларускае Радыё Рацыя
