«Прамінулы год не самы ўдалы ў жыцці — амаль палову пракачаўся ў шпіталях, – зазначае пісьменнік у фэйсбуку. – Прычым, у стане неадступнага болю, так што было не да літаратуры».
Уладзімір Някляеў нарадзіўся 9 ліпеня 1946 году ў Смаргоні Гарадзенскай вобласці — беларускі паэт, празаік і грамадска-палітычны дзеяч.
Вучыўся ў Менскім тэхнікуме сувязі. Займаўся на аддзяленні паэзіі Літаратурнага інстытута ў Маскве. Завочна скончыў філалагічны факультэт Менскага педагагічнага інстытута.
Працаваў літсупрацоўнікам рэдакцыі газеты «Знамя юности», старшым рэдактарам галоўнай рэдакцыі літаратурна-драматычных праграм Беларускага тэлебачання, галоўным рэдактарам часопіса «Крыніца» («Родник»).
Узначальваў Саюз пісьменнікаў Беларусі і Беларусі ПЭН-цэнтр.
Удзельнічаў у прэзідэнцкіх выбарах у 2010 годзе як кандыдат у прэзідэнты. Быў арыштаваны і зняволены. Пасля вызвалення працягваў займацца грамадска-палітычнай дзейнасцю.
Лаўрэат шэрагу прафесійных і дзяржаўных узнагарод за літаратурную дзейнасць. Намінант на Нобелеўскую прэмію (2011).
Пасля падзеяў 2020-21 гадоў Уладзімір Някляеў жыве ў Польшчы.
Радыё Рацыя далучаецца да шматлікіх віншаванняў і жадае здароўя і найхутчэйшага вяртання на вольную радзіму!
Беларускае Радыё Рацыя
