Беларускую кінапрэмію “Чырвоны верас” уручаць у Берліне 17-га лютага. Цырымонія ўзнагароджання адбудзецца на Еўрапейскім кінарынку Berlinale.
У журы кінапрэміі “Чырвоны верас” увайшлі 16 кінакрытыкаў, кінажурналістаў і кінадаследчыкаў. Яны ацанілі 70 беларускіх фільмаў 2021 і 2022 гадоў — ігравых, дакументальных і анімацыйных карцін. Некаторыя стужкі ўдзельнічаюць у кінапрэміі ананімна.
Узнагароды будуць уручаныя ў 13 катэгорыях. Прадугледжаная і ўзнагарода “Спецыяльная згадка”. Нямецкі кінафестываль пройдзе ў Берліне 15-25 лютага.
Беларускае Радыё Рацыя
