Міністэрства культуры і стратэгічных камунікацый Украіны паведаміла, што ў выніку расейскай агрэсіі з пачатку поўнамаштабнай вайны ва Украіне пашкоджана 1255 аб’ектаў культурнай спадчыны.
«Па інфармацыі, прадстаўленай абласнымі і Кіеўскай гарадской ваеннымі адміністрацыямі, у снежні пашкоджаны 33 помнікі культурнай спадчыны ў Запарожскай, Кіраваградскай, Сумскай, Мікалаеўскай, Харкаўскай абласцях і ў горадзе Кіеве. Агульная колькасць пашкоджаных помнікаў культурнай спадчыны ва Украіне па стане на канец снежня 2024 года складае 1255 аб’ектаў », – гаворыцца ў паведамленні.
Ведамства адзначае, што 1 студзеня ў выніку расейскага нападу былі пашкоджаныя помнікі ў цэнтры Кіева.
