У Беластоку 2 чэрвеня 2025 году ў межах курсаў «Мова Нанова» адбылася творчая сустрэча з Віталём Рыжковым — вядомым беларускім паэтам і празаікам.
У прасторы Хабу «Новая Зямля» гучалі яго вершы і фрагменты прозы, а таксама прагучалі пытанні ад слухачоў і нефармальная размова пра літаратуру, мову і Беларусь.
Пра сустрэчу кажа сам Віталь Рыжкоў:
– Дзякуй шчыры публіцы, не было хвалявання, але быў крыху па адчуванні сумнеў, ці хочацца ў панядзелак слухаць на гэтых курсах “Мова Нанова” нейкія сучасныя творы. І падаецца, што атрымалася захапіць, завалодаць увагай, зацікавіць і выказацца, выгаварыцца, вычытацца.
Па словах слухачак курсаў, ім вельмі спадабалася беларускае слова з вуснаў спадара Рыжкова:
– Мне вельмі падабаецца, як ён падбірае словы, вобразы і тое, што нейкія кавалачкі з таго, што ён піша, – гэта кавалачкі з жыцця, а не з чагосьці ўмоўнага і фантазійнага.
– Як паэт, як мы пачулі, што ён трохі празаік, і ў рэпе мне таксама вельмі падабаецца, што гэта інтэлектуальная такая творчасць, багатая такімі метафарамі, рознымі адсылкамі. Я збольшага ўсё разумею, таму я ахвотна іх слухаю, лаўлю. Гэта для мяне, мабыць., галоўнае.
Паэт і перакладчык Віталь Рыжкоў падчас сустрэчы ў Беластоку падзяліўся з прысутнымі планамі на будучыню — у бліжэйшы час ён мае намер выдаць новы раман, над якім цяпер працуе. Аўтар адзначыў, што гэта будзе важны этап у яго творчасці і закранае актуальныя тэмы для сучаснага беларускага чытача.
Цалкам матэрыял:
Беларускае Радыё Рацыя
