Да запісу новага альбому ў снежні 2024 — студзені 2025 ды выступу на Днях беларускай культуры ў Бруселі рыхтуецца культурны рух Вольны хор. Сёлета творчай ініцыятыве споўнілася чатыры гады. Дзейнасць у эміграцыі поўніцца вандроўкамі і канцэртамі, — распавяла кіраўнік і дырыжор Галіна Казіміроўская:
— Гэта нават беларускія дні, яны так называюцца. Там не толькі культура, а ўвогуле дні Беларусі, якія будуць праходзіць у Бруселі цягам тыдня. Там будуць розныя палітычныя панэлі, дыскусіі, выставы і мерапрыемствы. У тым ліку будзе канцэртны дзень, на якім будзе вялікі канцэрт Вольнага хору. І вось зноў жа, у нас ёсць магчымасць выказацца, магчымасць, дзе можа прагучаць беларускае слова, беларуская песня.
Цалкам слухайце ў далучаным гукавым файле:
Вольны хор як культурніцкі рух паўстаў у жніўні 2020 года. Дзейнічаюць пад дэвізам “Спяваем — перамагаем!” і знаходзіцца зараз у эміграцыі.
Беларускае Радыё Рацыя
