Асацыяцыя амерыканскіх выдаўцоў аб’явіла аб прысуджэнні прэміі Freedom to Publish беларускаму выдавецкаму дому “Янушкевіч”, які зараз працуе ў выгнанні.
Фота з ФБ Андрэя Янушкевіча.
На думку асацыяцыі, выдавецтва “прадэманстравала мужнасць і стойкасць у абароне свабоды слова”.
“Кіраўнікі выдавецтва “Янушкевіч” прайшлі праз цэнзуру, зведалі турэмнае зняволенне і вытрымалі выгнанне. І ўсё гэта дзеля сваёй місіі – даць чытачам літаратуру на беларускай мове”, – заявіла Марыя Паллантэ, генеральны дырэктар і прэзідэнт асацыяцыі.
Выдавецтва “Янушкевіч” было заснавана дзесяць гадоў таму Андрэем Янушкевічам.
У 2022 Янушкевіч адкрыў у Менску кнігарню “Кнігаўка”, але на наступны дзень быў затрыманы. Цяпер “Кнігаўка” знаходзіцца ў Варшаве, выдавецтва працягвае публікаваць кнігі на беларускай мове.
