Выдавецтва “Янушкевіч” выпусціла біяграфію Слюнькова і яшчэ тры кнігі. Кнігі выходзяць на гэтым тыдні, паведаміла выдавецтва ў сваіх сацыяльных сетках.
У Беларускім моладзевым хабе ў Варшаве стартуе продаж кнігі “Брацтва пярсцёнка” Толкіна ў новым перакладзе Ігара Кулікова.
Таксама ў продаж паступае біяграфія кіраўніка БССР, якога называлі “чарнобыльскім Пілатам”, Мікалая Слюнькова аўтарства гісторыка і журналіста Дзяніса Марціновіча.
Трэцяя навінка – выданне славутага рамана польскага пісьменніка Станіслава Ігнацы Віткевіча “Ненасытнасць”.
Для самых маленькіх чытачоў з’явілася новае выданне першай кнігі пра ката Шпрота, якую напісала Ганна Янкута.
