Летась у Польшчы з’явілася яшчэ адно беларускае выдавецтва, якое ўзяло назву «Мяне няма». Менавіта так называецца вядомая кніга Валянціна Акудовіча, і менавіта з перавыдання гэтай кнігі выдавецтва пачало сваю дзейнасць.
Заснавальнік і рэдактар выдавецтва Павел Анціпаў расказаў пра бліжэйшыя планы выдавецтва:
– Мы працуем па перадзамовах, таму што мы не камерцыйнае выдавецтва і ў нас пакуль няма ўласных сродкаў. Таму мы кажам, што ёсць кніга – можаце яе замаўляць. Зараз замаўляюць кнігу Колі Сулімы «Веласіпедная вуліца». Коля Суліма жыве ў Берліне, ён напісаў эсэ як ён эміграваў у Берлін і як ён там жыве. Таксама гэта і мая кніга, якая называецца «Куды-небудзь прыязджаць, штосьці рабіць і з’язджаць». Яна выйдзе ўжо напачатку наступнага году.
Як кажа Павел Анціпаў, выдавецтва будзе друкаваць тое, чаго, кажуць, няма, — новую беларускую літаратуру. Вядомых і невядомых аўтараў і аўтарак, новыя кнігі. І перавыдаваць з нулявых, дзясятых і дваццатых тэксты, якія былі і ўжо няма.
Цалкам матэрыял:
Беларускае Радыё Рацыя
Фота з ФБ Паўла Анціпава.
