Падляшскі музей народнай культуры зладзіў прэзентацыю другой часткі «Традыцыйных строяў Падляшскага ваяводства», якая днямі выйшла з друку.
Кажа суаўтар кнігі Эльжбета Піскорж–Бранэкова:
– Спачатку была створана першая частка, якая распавядае пра строі паўднёвай часткі Падляшскага ваяводства – з ваколіц Беластока і пояса, які цягнецца ад Ломжы праз Замбрув. Таксама мы апісалі строі з Гайнаўшчыны. А цяпер напісаная кніга пра строі з паўночнай часткі ваяводства.
Двухтомнае выданне «Традыцыйных строяў Падляшскага ваяводства» Эльжбеты Піскорж–Бранэковай і Аляксандры Плюты – гэта першае комплекснае даследаванне традыцыйных строяў, як паўднёвых, так і паўночных паветаў цяперашняга Падляшскага ваяводства. Выданне даступнае ў Падляшскім музеі народнай культуры.
Кнігі можна замовіць, напісаўшы на: [email protected] або [email protected]
Беларускае Радыё Рацыя
