Выйшла з друку кніга “Самвыдат” доктара мастацтвазнаўства, кіраўніка нацыянальна-вызвольнага руху “Вольная Беларусь” Зянона Пазьняка.
Кніга складаецца з беларускіх “падпольных” выданняў 1970-1980 гадоў. Аўтар у сваіх публіцыстычных матэрыялах таго часу ўздымае праблемы Беларусі, якія не страцілі сваёй актуальнасці і дагэтуль, гаворыць Зянон Пазьняк:
– Некалі я займаўся самвыдатам. Было напісана некалькі вялікіх прац у 70-х гадах, я зараз іх выдаў. Каталіцкі часопіс, я яго ад пачатку і да канца рабіў, і адзін твор, які я хацеў перадаць за мяжу на “Голас Амерыкі” або “Нямецкую хвалю”. Не ўдалося перадаць. На расейскай мове было напісана, бо гэта зварот да ўсяго Савецкага Саюза.
Кніга выйшла накладам 300 асобнікаў. У тыя гады матэрыялы выдаваліся пад псеўданімам “Генрых Ракутовіч”.
Беларускае Радыё Рацыя
