Выдавецтва Gutenberg Publisher выдала кнігай вершаванае лібрэта Андрэя Хадановіча да оперы кампазітаркі Вольгі Падгайскай, пастаўленай паводле аповесці Уладзіміра Караткевіча “Дзікае паляванне караля Стаха”.
«Гэта ўнікальны культурны праект», – згадвае Андрэй Хадановіч.
– Гэта тое, што фактычна ёсць вершаваным лібрэта, але я ўжо прызвычаіўся да формулы «вершы да оперы». Фантастычная пастаноўка Свабоднага Тэатра Каляды і Халезіна, якая адбылася ў Лондане на сцэне Міжнароднага Цэнтру Мастацтва «Barbican» з геніальнай, з гэтага трэба пачынаць, музыкі Вольгі Падгайскай.
Пастаноўку паводле класічнага твору Уладзіміра Караткевіча “Дзікае паляванне караля Стаха” паказалі ў сярэдзіне верасня мінулага года на сцэне лонданскага «Barbican». Гэта сінтэз оперы, драматычнага тэатра і жывой музыкі. І вось вершаванае лібрэта оперы, напісанае Андрэем Хадановічам, выйшла кнігай.
Цалкам матэрыял:
Беларускае Радыё Рацыя
