Выстава без назвы старых фотаздымкаў жанчын ХХ стагоддзя працуе ў Беларускім музеі імя Івана Луцкевіча ў Вільні. Гэта адзін з праектаў праграмы для жанчын. Паглядзець яе можна да канца сакавіка ў будынку музея з 14.00 да 20.00.
Як кажа куратарка Беларускага музея імя Івана Луцкевіча і арганізатарка выставы Паўліна Вітушчанка, яна вырашыла не даваць выставе назву адмыслова:
– Я неяк падумала, а чаму кожная выстава мусіць мець назву. Няма такога правіла, што кожная выстава мусіць мець назву. Мне падаецца, што глядзець на яе можна з вельмі розных бакоў. І кожны для яе можа прыдумаць сваю назву, таму што стараліся мы і праз тэксты неяк паказаць цалкам розныя падыходы да гэтага матэрыялу. Насамрэч гэта быў такі эксперымент, вялікая праца больш з тэорыяй і філасофіяй фатаграфіі ў падыходзе да гэтай выставы
Выстава старых фотаздымкаў жанчын была задуманая паўгода таму і паўстала ў межах ментарскай праграмы для жанчын-актывістак, якую падтрымаў канадскі фонд мясцовых ініцыятыў. Дзякуючы яму 25 жанчын вучыліся, як больш проста і эфектыўна ўвасабляць свае ідэі, стварылі некалькі праектаў, такім чынам паказаўшы і рэалізаваўшы свае здольнасці.
Цалкам матэрыял:
Беларускае Радыё Рацыя
