У Гарадской публічнай бібліятэцы ў Бельску Падляшскім працуе выстава вядомай мастачкі Малгажаты Дмітрук. Яна будзе ажно да 31 жніўня.
На выставе прадстаўлены ілюстрацыі да кнігі “Войтэк” аўтарства Войцэха Мікалушкі, якая пабачыла свет у выдавецтве “Агора” у Варшаве яшчэ ў 2019 годзе.
Малгажата Дмітрук – мастачка, прафесар Акадэміі выяўленчага мастацтва ў Варшаве, дзе кіруе студыяй графічных прасторавых форм на факультэце скульптуры, сярод іншага малюнак, дызайн адзення і арыгінальная тканіна.
На выставе прадстаўлена серыя з 13 ілюстрацый да кнігі “Войтэк”, адзначанай Літаратурнай прэміяй Варшавы ў катэгорыі дзіцячай літаратуры. Графічнае афармленне выдання таксама атрымала мноства ўзнагарод і намінацый, у тым ліку: у конкурсе Polskiej Sekcji IBBY
„Książka Roku 2019”, а таксама ў плебісцыце „Lokomotywa 2019”.
Адрас выставы: Miejska Biblioteka Publiczna, ul. Kazimierzowska 14, Bielsk Podlaski, czytelnia na parterze.
Гадзіны працы: панядзелак, аўторак, чацвер, пятніца – 10.00-18.00, субота – 08.00-14.00, у сераду – зачынена.
Беларускае Радыё Рацыя
