Беластачанка Катажына Краўзэ-Рамэйка працуе лекарам, але ў родным горадзе яе ведаюць перадусім як арыгінальную мастачку, са сваім уласным творчым стылем.
Аматары яе творчасці сабраліся ў кавярні беластоцкага тэатра «Лялькі». Тут адкрылася чарговая выстава Катажыны.
– Гэта такая крыху іншая выстава, не такая як у выставачных залах, дзе шмат карцін і шмат людзей. Гэта хутчэй спатканне з маімі сябрамі і прыхільнікамі маёй творчасці. Тут мы можам разам пасядзець, паразмаўляць, выпіць піва. Гэта іншая формула выставы. І яна мне добра адпавядае. Тут мае сябры, калегі, суседзі, ну і людзі, якія сочыць за маёй творчасцю ў інтэрнэце, можна сказаць мае фаны.
Катажына Краўзэ-Рамэйка малюе каля 20 гадоў. Свае малюнкі яна пераносіць на тканіны, з якіх стварае арыгінальнае жаночае адзенне.
Цалкам матэрыял:
Беларускае Радыё Рацыя
