Неўзабаве бард і пісьменнік Зміцер Бартосік парадуе аматараў беларускай літаратуры новай кнігай. Ён вырашыў узняць настрой беларусам, якія апошнім часам засумавалі, зборнікам вясёлых гісторый. Але і ранейшыя кнігі пісьменніка карыстаюцца папулярнасцю.
Кажа Зміцер Бартосік:
– У мяне столькі ў галаве засталося розных смешных гісторый з жыцця, я люблю гэтыя байкі расказваць за сталом. Усе так рагочуць над гэтымі байкамі. То давайце я іх раскажу не толькі за сваім сталом, няхай гэты стол крыху пашырыцца. Там справа, канешне, у інтанацыі. Інтанацыя важная падчас гэтых размоваў. Але я паспрабую навастрыць сваё пісьменніцкае пісьмо так, каб хаця бы імітаваць гэтую інтанацыю з дапамогай сінтаксісу і пунктуацыі.
У 2017 годзе Зміцер Бартосік за кнігу «Быў у пана верабейка гаварушчы» атрымаў адразу дзве літаратурныя прэміі – імя Ежы Гедройця і імя Алеся Адамовіча.
Цалкам размова:
Беларускае Радыё Рацыя
