9 студзеня ў 14.00 (пам. 164) Нацыянальная бібліятэка Беларусі запрашае адсвяткаваць Каляды з народным сямейным абрадава-гульнявым калектывам “Радзіна” і ўзорным фальклорным дзіцячым калектывам “Валошкі” Навінскага сельскага Дома культуры Бярэзінскага раёна.
Рэканструкцыя абраду «Прыйшла Каляда» – гэта цудоўная магчымасць пагрузіцца ў атмасферу аднаго з самых старажытных абрадавых святаў Беларусі, адчуць каларыт яго святкавання ў Бярэзінскім раёне. Гэта шанец пазнаёміцца ўжывую з вядомымі каляднымі вобразамі і персанажамі, пачуць добрыя пажаданні і песні-шчадроўкі, паспрабаваць святочныя пачастункі, пагуляць і павесяліцца.
Свята пройдзе ў рамках адукацыйнага праекту «Пад каляднай Зоркай».
