Расея ўдарыла авіябомбамі па аўтавакзале ў Запарожжы, у выніку чаго пацярпелі 20 чалавек. Атака адбылася 10 жніўня а 18-й гадзіне, паведаміў кіраўнік Запарожскай абласной ваеннай адміністрацыі Іван Фёдараў.
У параненых множныя мінна-выбуховыя траўмы. Сярод пацярпелых людзі розных узростаў — ад 24 да 77 гадоў.
Яшчэ адзін удар быў нанесены па ўніверсітэцкай клініцы Запарожскага медыцынскага ўніверсітэта. Пацярпелых там няма.
У выніку ўдару па Запарожжы пашкоджаны таксама 7 шматкватэрных дамоў.
Беларускае Радыё Рацыя
