3-4 жніўня ў Вільні пройдзе Трэцяя Канферэнцыя «Новая Беларусь».
Пра гэта паведамляе прэсавая служба Офіса Святланы Ціханоўскай. Да ўдзелу запрашаюцца прадстаўнікі грамадзянскіх ініцыятываў, палітычных структураў, актывісты, прадпрымальнікі і эксперты.
«Мы прааналізуем мінулы год, ацэнім дасягненні і памылкі, і вызначым шляхі для далейшага развіцця. Ад нашых рашэнняў залежыць будучыня Беларусі», – паведамляецца ў звароце.
Праграму Канфэрэнцыі і форму рэгістрацыі можна знайсці па спасылцы.
Да прыкладу, на 3 жніўня прызначаная дыскусія на тэму “Выбараў-2025”. Сярод пастаўленых пытанняў: Як не даць перагарнуць старонку? Як пераадолець тэндэнцыю да з’яўлення разрыву паміж беларусамі і дэмакратычнымі сіламі, людзьмі ўнутры краіны і тымі, хто быў вымушаны яе пакінуць?
Іншыя тэмы:
– Больш Еўропы беларусам;
– Дзеянні для палітвязняў: ад вызвалення да рэабілітацыі;
– Беларуская ідэнтычнасць: як захаваць і ўмацаваць.
