700 дзён ізаляцыі: што адбываецца з Мікалаем Статкевічам.
Апошні ліст ад асуджанага на 14 гадоў Мікалая Статкевіча прыйшоў ягонай жонцы Марыне Адамовіч 9 лютага 2023 года. Ад гэтага моманту жонка палітыка адлічвае: 100 дзён невядомасці 200, 500. Усяго ж 68-гадовы Статкевіч на 9 студзеня знаходзіцца за кратамі ўжо 1684 дні, ці 4 гады 7 месяцаў 9 дзён.
“Калі б да моманту пратэстаў 2020 года Мікола Статкевіч быў на волі, гісторыя магла пайсці іншым шляхам, – лічыць палітолаг Валер Карбалевіч. – Лукашэнка разумеў гэта і арыштаваў яго на далёкіх подступах”.
Рэжым інкамунікада (адсутнасць сувязі са знешнім светам) прызнаны праваабаронцамі адным з відаў катавання. Падчас зняволення Мікалая Статкевіча памёр яго бацька.
Беларускае Радыё Рацыя
