“Беларускі Гаюн” спыняе сваю працу. Краіны Балтыі адключаюцца ад расейскай энергасеткі. У Сербіі працягваюцца пратэсты.
“Беларускі Гаюн” спыняе сваю працу. Раней у СМІ з’явілася імя першага затрыманага пасля ўцечкі дадзеных з бота”, – паведамляе DW.
«Чалавека, якога паказалі сілавікі ў сувязі з уцечкай звестак з бота “Беларускага Гаюна”, апазнала каманда Digital Intelligence Team. Паводле інфармацыі рэсурсу, затрыманы – 42-гадовы Максім М., у апошнія гады працаваў на Мазырскім нафтаперапрацоўчым заводзе. У Telegram-канале “Беларускага Гаюна”, з’явілася паведамленне аб тым, што праект спыняе сваю працу. Распаўсюджваецца інфармацыя, што адміністратар канала быў увесь гэты час у Беларусі. “Беларускi Гаюн” – праект па маніторынгу ваеннай актыўнасці ў Беларусі. Чат з ботам “Гаюна” быў узламаны 4 лютага, беларускія сілавікі атрымалі доступ да перапісак бота. Людзі, якія пісалі ў робат і якіх можна ідэнтыфікаваць, апынуліся пад пагрозай», – паведамляе DW.
Гэты складаны тэхнічны крок рыхтаваўся на працягу доўгага часу: у гэтыя выходныя Эстонія, Латвія і Літва маюць намер адключыць свае энергасістэмы ад постсавецкай сістэмы энергазабеспячэння БРЭЛЛ. Само адключэнне запланавана на суботу, а ў нядзелю, пасля шэрагу тэставых запускаў, будзе праведзена сінхранізацыя электрасетак гэтых краін з астатняй Еўропай. Варшаўская Gazeta Wyborcza тлумачыць, чаму гэты крок неабходны.
«На дадзены момант электрасеткі балтыйскіх дзяржаваў з’яўляюцца часткай сістэмы, створанай яшчэ ў савецкія часы і кіраванай Расеяй. Для дзяржаў Балтыі гэта нясе з сабой геапалітычныя, а таксама энергапалітычныя рызыкі. Як правіла, перабоі ў электрасеткі мы звычайна асацыюем з тым, што пачынаюць мігацець электрычныя лямпачкі. Аднак гаворка ідзе аб куды большых праблемах, да прыкладу – аб запаволенні працы электрапрыбораў або іх пераграванні. Да таго ж дзяржавы Балтыі застаюцца ўразлівымі ў выпадку магчымых перабояў з пастаўкамі электраэнергіі ў расейскай энергасетцы. А Масква і да нападу на Украіну не надта спяшалася ўстараняць непаладкі ў энергасетцы, якая звязвае яе з балтыйскімі дзяржавамі», – падкрэслівае польскае выданне.
У Сербіі не спыняюцца студэнцкія пратэсты. У мінулыя выходныя дэманстранты заблакавалі адзін з мастоў, запланаваны таксама і іншыя акцыі, акрамя таго, на вуліцы выйшлі і пенсіянеры, якія адважыліся падтрымаць студэнтаў. Аглядальнікі пішуць пра тое, чаму гнеў пратэстоўцаў шырыцца – і ўжо даўно не абмяжоўваецца пратэстам наконт абвальвання навеса на вакзале ў горадзе Нові Сад, у выніку якога загінулі людзі. «Незадаволенасць расце не толькі ў Сербіі,» – заўважае будапешцкая Népszava.
«Бялградскі рэжым хуценька знайшоў вінаватых у пратэстах і заявіў, што студэнцкія хваляванні – гэта, маўляў, справа рук Харватыі. Такая стратэгія – прыраўноўванне апазіцыі да падкопаў знешніх сіл – у мінулым сябе ўжо апраўдвала. Пякельная сумесь нацыяналізму і запалохвання – вельмі эфектыўная зброя. Аднак зараз выпрабаваны рэцэпт больш не працуе. Прэзідэнт Сербіі Аляксандр Вучыч вымушаны ўвесь час знаходзіцца ў абарончай пазіцыі, у Славакіі ўсё больш людзей выходзіць на акцыі пратэсту супраць Фіцо, а ў нас у Венгрыі людзі ўсё часцей задумваюцца аб дысфункцыі дзяржавы, якую схаваць ужо зусім немагчыма, і ўсё менш увагі звяртаюць на дурныя фантазіі ўладаў аб нейкім замежным умяшальніцтве», – наракае венгерскае выданне.
Напачатку наступнага тыдня ў Парыжы пройдзе саміт пад старшынствам Францыі і Індыі, прысвечаны штучнаму інтэлекту. У ходзе сустрэчы плануецца выпрацаваць агульныя палажэнні, рашэнні і стандарты ў галіне ШІ, якія служылі б мэтам прагрэсу і ўсеагульнаму дабру. Еўрапейскія СМІ разважаюць аб спрэчных момантах і недапрацоўках, якія маюць месца на фоне бурнага развіцця гэтай сферы. У сваім каментары цюрыхская Tages-Anzeiger заклікае да больш крытычнай ацэнкі дзеянняў бігтэха.
«Пакуль мы будзем безумоўна змірацца з іх манапалізаванымі тэхналогіямі і наратывам аб тым, што мы, маўляў, павінны прымаць і плаціць экалагічную, сацыяльную і эканамічную цану за ўсё больш узмацняюцца мадэлі ШІ дзеля нявызначанай выгоды ў будучыні, штучны інтэлект будзе працягваць служыць гэтаму абранаму колу, але не чалавецтву і планеце ў цэлым. Мы зможам па-сапраўднаму выкарыстоўваць патэнцыял гэтых тэхналогій толькі тады, калі сур’ёзна адкажам на тыя выклікі, якія яны перад намі ставяць. Гэта сярод іншага азначае, што мы павінны з падвышанай увагай ставіцца да экалагічнага следу, які пакідаецца пасля сябе ШІ, і канцэнтрацыі ўлады за яго найбуйнымі мадэлямі. Толькі такім чынам мы зможам забяспечыць існаванне інавацыйнай і ўстойлівай экасістэмы ШІ, арыентаванай на карысць для большасці», – падкрэслівае швейцарскае выданне.
Вольга Сямашка, Беларускае Радыё Рацыя
