Дзярждэп ЗША заклікаў грамадзян ЗША неадкладна пакінуць Беларусь. Беглы польскі палітык атрымаў прытулак у Венгрыі. Як рэагаваць на тэракт у Магдэбургу? Падрабязнасці свежых матэрыялаў замежнай прэсы ў аглядзе Вольгі Сямашкі.
У снежні Дзяржаўны дэпартамент ЗША абнавіў рэкамендацыі па паездках у Беларусь, які публікуе DW.
“Дзяржаўны дэпартамент ЗША рэкамендуе ўстрымацца ад візітаў у РБ “з-за адвольнага выканання беларускімі ўладамі мясцовых законаў, рызыкі затрымання, падтрымкі вайны Расеі супраць Украіны, магчымасці грамадзянскіх беспарадкаў і абмежаванай здольнасці пасольства аказаць дапамогу”. Амерыканскім грамадзянам, якія зараз знаходзяцца ў Беларусі, раяць “неадкладна пакінуць краіну”. Упершыню такую рэкамендацыю Дзярждэп ЗША выпусціў пасля пачатку поўнамаштабнай вайны Расеі супраць Украіны. Пасля гэтага ЗША некалькі разоў абнаўлялі інструкцыі наконт паездак у РБ, у апошні раз – пасля закрыцця некалькіх пунктаў пропуску на мяжы з ЕЗ», – падкрэслівае DW.
***
Рашэнне Венгрыі прадаставіць палітычны прытулак дэпутату Марціну Раманоўскаму, які ў росшуку польскіх ўладаў, справакавала канфлікт паміж Варшавай і Будапештам. Раманоўскі быў намеснікам міністра юстыцыі ва ўрадзе партыі Права і справядлівасць, якая прайграла на парламенцкіх выбарах 2023 года. Пракуратура абвінавачвае Раманоўскага ў карупцыі і растраце дзяржаўных сродкаў. «Будапешту не ўпершыню пераступаць праз заканадаўства іншых краін», – адзначае венгерскі апазіцыйны штотыднёвік hvg.
«Гэты выпадак нагадвае справу Груеўскага 2018 года. Тады былога кіраўніка ўрада Македоніі пераправілі ў Венгрыю на венгерскім дыпламатычным аўтамабілі, пасля таго як суд у Скоп’е прыгаварыў палітыка, замешанага ў фінансавых скандалах і дэманстрацыі ўсё большай блізкасці да Пуціна, да двух гадоў пазбаўлення волі па абвінавачанні ў эканамічных злачынствах. Ясна, што вугорскі ўрад не адправіць палітыка дадому. І ў дадзеным выпадку можна зыходзіць з таго, што дзеянні Венгрыі, якая паставіла пад сумнеў вяршэнства права ў Польшчы, яшчэ больш пагоршаць і без таго недружалюбныя адносіны паміж дзвюма краінамі», – наракае венгерскае апазіцыйнае выданне.
***
У мінулую пятніцу на калядным кірмашы ў Магдэбургу аўтамабіль на вялікай хуткасці пратараніў натоўп. Пяць чалавек загінулі і больш за 200 атрымалі раненні. Кіроўца аўтамабіля быў затрыманы адразу на месцы злачынства: ім аказаўся 50-гадовы псіхіятр з Саудаўскай Аравіі, які ў свой час атрымаў прытулак у Германіі. Ён зарэкамендаваў сябе як заўзяты крытык ісламу і быў вядомы праваахоўным органам, сярод іншага, сваімі пагрозамі прымяніць гвалт. «Трагедыя ў Магдэбургу вырвала Еўропу з абдымкаў ілюзій», – канстатуе турынская La Stampa.
“Мы заўсёды маем надзею, што пазбавіліся тэрарызму, але гэта ілюзія. Кашмар вяртаецца. Небяспека нікуды не падзелася. Калі ўжо на тое пайшло, мы проста пра яе забыліся. Тэракт на калядным кірмашы ў Магдэбургу быў арганізаваны па ўсіх канонах “саматужнага” тэрарызму, гэта значыць такога, ад якога складаней усяго абараніцца, паколькі яго асобай можа стаць сусед – і ён не патрабуе ўжыванні якой-небудзь адмысловай зброі. Усё, што вам трэба, гэта правы кіроўцы. А у каго іх няма? Тэракт у Магдэбургу прадэманстраваў уразлівасць нашага грамадства. Ён наносіць удар там, дзе мы максімальна безабаронныя», – піша італьянскае выданне.
***
Каляды ў 2024 годзе. Традыцыйная выява Раства як мірнага хрысціянскага свята, якое аб’ядноўвае сям’і і грамадства, даў расколіну. Аглядальнікі дзеляцца сваімі назіраннямі і меркаваннямі. Шведская Göteborgs-Posten лічыць праблематычным той факт, што многія кампаніі і арганізацыі, імкнучыся не закрануць прадстаўнікоў рэлігійных меншасцяў у Швецыі, сёння жадаюць сваім супрацоўнікам і кліентам “добрых святаў”, а не “шчаслівых Калядаў”.
«Празмерная аглядка на тых сярод нас, хто не святкуе Каляды, зусім не з’яўляецца інклюзіўнай, як тое можа падацца на першы погляд. Наадварот, такім чынам можна толькі падкрэсліць, што гэтыя людзі не ўваходзяць у нашае кола. Нават калі намі рухае жаданне паступіць правільна, у канчатковым выніку эфект атрымліваецца супрацьлеглы. Калі загадваць людзям, як паводзіць сябе ў адносінах да прадстаўнікоў іншых культур, што тут можна рабіць, а што – не, то гэта прыводзіць да празмернай прадбачлівасці і нервовасці, якія багатыя толькі тым, што дыстанцыя паміж людзьмі ўзрастае, а разуменне – толькі памяншаецца», – рэзюмуе швецкае выданне.
Беларускае Радыё Рацыя
