- Хутка выбары: у Беларусі новая хваля арыштаў і ператрусаў
- Украіна паразіла цэлі ў РФ амерыканскімі ракетамі
- Ядзерная дактрына Расеі
Праваабаронцы паведамляюць аб узмацненні рэпрэсій у Беларусі. З пачатку верасня 2024 года было зафіксавана каля паўтары тысячы выпадкаў палітычных рэпрэсій: затрыманні, ператрусы, арышты, адміністрацыйныя суды», – паведамляе DW.
«Калі за лета, паводле звестак праваабарончага цэнтра “Вясна”, у беларускіх судах было разгледжана 975 адміністрацыйных спраў па артыкулах аб распаўсюджванні “экстрэмісцкіх матэрыялаў” і пікетаванні, то з пачатку верасня па сярэдзіну лістапада колькасць такіх спраў вырасла да 1213. Чарговы ўсплёск рэпрэсій у Беларусі назіраецца з пачатку восені – праз ператрусы і затрыманні прайшлі не менш за тры сотні беларусаў. За апошнія два тыдні рэйды сілавікоў у большай ступені закранулі рэгіёны Беларусі: у першую чаргу Полацка, а таксама невялікіх гарадоў у Гомельскай, Брэсцкай і Гарадзенскай абласцях Праваабаронцам вядомыя выпадкі жорсткіх затрыманняў і збіванняў, аднак падрабязнасці яны лічаць за лепшае не паведамляць. Адна з асаблівасцяў рэпрэсій – гэта фокус на пэўных групах. Напрыклад, раней назіраўся рэйд на лекараў, на псіхолагаў. Цяпер у Оршы затрымліваюць чыгуначнікаў”, – паведамляе DW.
Узброеныя сілы Украіны ўпершыню атакавалі расейскую тэрыторыю амерыканскімі ракетамі ATACMS. Гэта пацвердзілі Масква і Вашынгтон. Кіеў не падаў ніякіх падрабязнасцяў аб тыпе і колькасці скарыстаных ракет, але заявіў, што пад удар трапіў склад боепрыпасаў у Бранскай вобласці. «Расея адрэагуе ў сваёй звычайнай манеры», – мяркуе дублінская The Irish Times.
«Пуцінскі рэжым адрэагаваў прадказальна, як рабіў гэта і раней, калі на кожнае пашырэнне ўдзелу ЗША ў дапамозе Украіне ён выліваўся грознымі папярэджаннямі аб меркаваных наступствах эскалацыі і пагрозамі даць “адпаведны адказ”. У мінулым у гэтыя пагрозы ўваходзіла і бразганне ядзернай зброяй, аднак на практыцы ўсё абмяжоўвалася ўсё тымі ж ракетнымі ўдарамі па грамадзянскіх мэтах. Тырады Масквы наконт таго, што яна называе ўцягваннем у канфлікт замежных дзяржаў Злучанымі Штатамі, гучаць у вышэйшай ступені беспадстаўна на фоне перакідкі на лінію фронту дванаццаці тысяч салдат з Паўночнай Карэі. Акрамя таго, Расея ўжо даўно прымяняе ракеты, якія пастаўляюцца Пхеньянам і Тэгеранам”, – піша ірландскае выданне.
Уладзімір Пуцін падпісаў указ аб унясенні ў ядзерную дактрыну Расіі змен, аб якіх было абвешчана ў верасні. Згодна з дакументам, у тым выпадку, калі ядзерная дзяржава будзе падтрымліваць няядзерную дзяржаву ў нанясенні ўдараў па Расіі канвенцыйнай зброяй, гэта будзе лічыцца іх сумесным нападам. Акрамя таго, зніжаецца парог пагрозы для Расеі, неабходны для адказу з прымяненнем ядзернай зброі. На думку рымскай La Repubblica, Крэмль рыхтуецца да дыпламатычнага паядынку.
«Пагрозы Крамля адрасаваныя Джо Байдэну, аднак насамрэч яны звернутыя, хутчэй, да яго пераемніка, паколькі на стол выкладзеныя дзве дыяметральна супрацьлеглыя карты: гатовасць Пуціна разгледзець магчымасці заканчэння вайны ва Украіне, якія прапануе Трамп, з аднаго боку, а з другога – яго рашучасць прымяніць ядзерную зброю, калі Расея апынецца “ў небяспецы”. Перад намі – пачатак непрадказальнага і бязлітаснага паядынку паміж Трампам і Пуціным – хто мацнейшы. Ён можа прывесці да новай Ялты, падчас якой будуць зноўку падзеленыя сферы ўплыву ў Еўропе, Афрыцы і на Блізкім Усходзе, ці ж, наадварот, – выліцца ў лабавое сутыкненне двух лідараў, гатовых на ўсё, абы атрымаць верх над сваім супернікам», – падкрэслівае італьянскае выданне.
Згодна з планамі брытанскага лейбарысцкага ўрада, у будучыні ўладальнікі сельскагаспадарчых угоддзяў больш не будуць вызваляцца ад падатку на спадчыну – пры ўмове, што кошт іх фермы перавышае мільён фунтаў стэрлінгаў (каля 1,2 мільёна еўра). Такі крок закліканы ўхіліць зручную падатковую шчыліну. Фермеры пратэстуюць супраць гэтых планаў урада, сцвярджаючы, што іх гаспадаркам прыйдзе канец. «Лейбарысты павінны сур’ёзна паставіцца да асцярог фермераў», – папярэджвае лонданская The Times.
«Сельская гаспадарка складае толькі малую – менш за адзін працэнт – частку эканомікі Вялікабрытаніі, але яна пастаўляе каля паловы прадуктаў харчавання, спажываных брытанскімі хатнімі гаспадаркамі, і забяспечвае працай амаль паўмільёна чалавек. І сельскай гаспадарцы зараз нялёгка. Шэраг фактараў змушае яго хутка прыстасоўвацца да змен. Сярод іх – пацяпленне клімату, скарачэнне субсідый і ціск канкурэнцыі, выкліканы наступствамі брэкзіту. Вядзенне фермерскай гаспадаркі спалучана з пастаяннай няпэўнасцю з-за ціску на маржу. У гэтым кантэксце змены ў падатку на спадчыну ўяўляюць сабой сур’ёзную пагрозу для сельскай гаспадаркі», – адзначае брытанскае выданне.
Вольга Сямашка, Беларускае Радыё Рацыя
