На рэгіянальным форуме бяспекі «Шлях да волі», які прайшоў 25 сакавіка ў Кіеве, беларускія дэмакратычныя сілы прадэманстравалі сваю прысутнасць і прынялі дэкларацыю, якая вызначае асноўныя прынцыпы іх дзейнасці.
Дэпутат Вярхоўнай Рады Украіны Алег Дунда адзначае, што гэтага пакуль мала, каб паказаць рэальны патэнцыял, што ўплывае і на ўспрыманне Палка Каліноўскага:
-Полк Каліноўскага – яны ваююць. Полк Каліноўскага без палітычнага крыла, без таго плану змены рэжыму і ўлады ў Беларусі, ён будзе часткай узброеных сіл Украіны без патэнцыялу, што тычыцца нацыянальна-вызвольнай барацьбы ў Беларусі.
Дунда таксама падкрэсліў, што ў сувязі з адсутнасцю выразнай стратэгіі беларускіх дэмакратычных сіл пытанне прызначэння спецыяльнага прадстаўніка па Беларусі застаецца падвешаным і залежыць ад далейшага фармавання гэтых структур і выпрацоўкі стратэгіі ў бок Беларусі.
Па словах Дунды, форум «Шлях да волі» паказаў прызнанне існавання беларускіх дэмакратычных фармаванняў, аднак іх рэальны ўплыў на палітычную будучыню краіны пакуль абмежаваны.
Цалкам гутарка:
Беларускае Радыё Рацыя
