Сёлетнія чарговыя выбары ў Каардынацыйную Раду разлічаныя найперш на актывізацыю шырокіх масаў прыхільнікаў перамен. Аб’ектыўна не дасца дасягнуць такой мэты ў самой Беларусі. За мяжой таксама шмат хто адышоў ад актывізму. Кажа палітычны аналітык інфармацыйнага агенцтва “Позірк” Аляксандр Класкоўскі:
– Сама Каардынацыйная рада па-сапраўднаму сябе не знайшла. Яна, на мой погляд, патанае ва ўнутраных нейкіх “разборках”. Яна ў рэшце рэшт слаба расказвае пра сваю дзейнасць. Можа там і робяцца нейкія добрыя рэчы, нейкія цікавыя тэмы абмяркоўваюцца, але тое, што нават я бачу, хоць я сачу прафесійна, гэта нейкія дзяжурныя такія справаздачы – мы з’ездзілі ў Страсбург, вось сфатаграфаваліся з нейкімі там палітычнымі актарамі еўрапейскімі.
Каардынацыйная рада III cклікання сфармавана з мандатам на 2 гады шляхам выбараў, што адбыліся ў траўні 2024 года. Наступныя – ужо сёлета, яны пройдуць 11-17 траўня ў анлайне.
Цалкам матэрыял:
Беларускае Радыё Рацыя
