«Пуцін мае аднолькавыя мэты і ва Украіне, і ў Беларусі». Кажа дарадца Святланы Ціханоўскай па парламенцкім супрацоўніцтве і канстытуцыйнай рэформе Анатоль Лябедзька:
– Пуцін мае аднолькавыя мэты і ва Украіне, і ў Беларусі. Ён не глядзіць на нашыя краіны як на незалежныя, свабодныя, самадастатковыя. Для яго гэта тэрыторыя, на якой мусіць дамінаваць «рускі свет». Для рэалізацыі сваёй мэты Пуцін абраў розныя стратэгіі. Ва Украіне – адкрытая ваенная агрэсія. У Беларусі – паглынанне праз паўзучую анексію.
Палітык назваў асноўныя факты, якія сведчаць пра паўзучую анексію Беларусі. Па-першае, Беларусь цалкам залежыць ад расейскіх энергарэсурсаў. Па-другое, знешняя палітыка краіны ўзгадняецца з Крамлём. Па-трэцяе, Пуцін атрымаў права ўводзіць войскі ў Беларусь паводле падпісанай з Лукашэнкам дамовы.
Беларускае Радыё Рацыя
