Інстытут развіцця і сацыяльнага рынку ў Беларусі і Усходняй Еўропе зладзіў анлайн-воркшоп па аналізе еўрапейскай перспектывы для дэмакратычнай Беларусі.
Удзельнік сустрэчы, спікер Каардынацыйнай рады Андрэй Ягораў падкрэсліў неабходнасць праеўрапейскага вектара для Беларусі:
– Для Беларусі фактычна няма іншай перспектывы, акрамя еўрапейскай перспектывы, калі мы думаем пра існаванне Беларусі як незалежнай і суверэннай дзяржавы. У Беларусі няма перспектывы развіваць інтэграцыйныя адносіны з Расеяй, як яна рабіла да таго, бо фактычна мы бачым агрэсіўныя дзеянні і палітыку, якая накіраваная на падрыў беларускага суверэнітэту і незалежнасці.
Дарадца Святланы Ціханоўскай па парламенцкім супрацоўніцтве і канстытуцыйнай рэформе Анатоль Лябедзька заклікаў да нарматворчага замацавання еўрапейскага шляху для Новай Беларусі:
– Трэба прызнаць, што ўсё ж такі еўрапейскія наратывы прысутнічалі і дастаткова даўно ў беларускай палітыкі. Толькі яны не былі такімі стратэгічнымі для большасці, панаваў такі прагматызм: “А давайце мы паглядзім, а што хочуць людзі ў Беларусі?”. Мне падаецца, што стратэгічна гэта была памылка – арыентавацца на тое, пра што думае грамадства. У праект Канстытуцыі Новай Беларусі – замацаваць вось гэты геапалітычны выбар і еўрапейскую перспектыву для Новай Беларусі.
Па выніках анлайн-сустрэчы пра еўрапейскія перспектывы для дэмакратычнай Беларусі былі прыняты рэкамендацыі адносна дачыненняў Беларусь – ЕЗ як з рэжымам Лукашэнкі, так і з беларускімі дэмакратычнымі сіламі ў выгнанні.
Цалкам матэрыял слухайце ў далучаным файле:
Беларускае Радыё Рацыя
Фота Інстытута
