Ва Украінскім крызісным медыя-цэнтры адбылася дыскусія “Беларусь напярэдадні выбараў”, прысвечаная аналізу палітычнай сітуацыі ў суседняй краіне.
Сярод спікераў выступіў беларускі журналіст і прадстаўнік праваабарончага цэнтра «Вясна» Андрэй Мядзведзеў, які падрабязна растлумачыў, чаму надыходзячыя выбары прэзідэнта Беларусі, прызначаныя на 26 студзеня 2025 года, з’яўляюцца фікцыяй:
– Ва Украіне зараз цяжка людзям уяўляць, што можа быць такая вось сітуацыя з выбарчай кампаніяй, якая ёсць цяпер у Беларусі. Яны нават не ўяўлялі, скажам так, што было ў нас у тыя вегетарыянскія часы да 2020 года ўключна. Пасля гэтай нашай сустрэчы большасць, якая знаходзілася ў залі ўкраінскага крызіснага медыя-цэнтра, разумелі, што гэта сапраўды не выбары.
Дыскусія стала першай у серыі падобных сустрэч у абмеркаванні палітычнай сітуацыі ў Беларусі і паказала гатовасць экспертаў, актывістаў і міжнародных партнёраў працягваць працу для дасягнення дэмакратычных зменаў у краіне. Сярод іншага былі абмеркаваны лёс лідараў пратэстаў і пратэсны патэнцыял Беларусі.
Цалкам матэрыял слухайце ў далучаным файле:
Беларускае Радыё Рацыя
Фота з архіва Андрэя Мядзведзева
