Падзеі ў Іране, якія пачаліся напрыканцы мінулага года, без перабольшвання можна назваць крывавымі. На пратэсце, які быў выкліканы сур’ёзнымі эканамічнымі цяжкасцямі, хутка высунулі палітычныя патрабаванні. І іранская ўлада адказала на гэта ўзброеным супрацьдзеннем. Ужо ёсць загіблыя як з боку пратэстоўцаў, так і з боку сілавікоў.
Ці ёсць падабенства іранскіх пратэстаў 2025-2026 гадоў з беларускімі пратэстамі 2020 года? Ці адбіваюцца цяперашнія падзеі ў Іране на сітуацыі ў нашым рэгіёне і на расейска-ўкраінскай вайне? Якая роля ААН у вырашэнні цяперашняга іранскага крызісу?
Па гэтых і іншых пытаннях журналіст Уладзімір Лапцэвіч у праграме “Погляд з Украіны” гутарыць з кіраўніком Украінскага інстытута сусветнай палітыкі Яўгенам Магдам.
Слухайце перадачу ў пятніцу (16.01) у 14.10 і 20.30 паводле польскага часу. У Беларусі на дзве гадзіны пазней.
Беларускае Радыё Рацыя
