У дваццатых чыслах лістапада Еўропа і Амерыка жывуць у абмеркаванні новага мірнага плана, які раптам з’явіўся спачатку ў СМІ. Ён складаўся з 28 пунктаў, якія многія прызналі пунктамі капітуляцыі Украіны. Аператыўна пачалася работа еўрапейскіх і ўкраінскіх структур, якія хутка прадставілі свой варыянт мірнага плана, які ўжо складаўся з 19 пунктаў.
Ці ёсць амерыканскі план планам капітуляцыі Украіны? Ці не варта сёння заключыць хоць якое пагадненне, якое дасць Украіне перадышку ад штоночных бамбёжак на фоне адступлення яе арміі? Плюсы і мінусы для Украіны ў плана, прадстаўленага еўрапейцамі? На гэтыя і іншыя пытанні журналіст Уладзімір Лапцэвіч гутарыць з з экспертам праграмы расейскіх і беларускіх студый Савета знешняй палітыкі “Украінская прызма” Антонам Аксенцюком.
Слухайце перадачу ў пятніцу (28.11) у 14.10 і 20.30 паводле польскага часу. У Беларусі на дзве гадзіны пазней.
Беларускае Радыё Рацыя
