Каардынацыйная Рада правяла чарговае адкрытае агульнае пасяджэнне. На гэты раз мелі месца слуханні вынікаў працы камісій, створаных пры выбарным органе трэцяга склікання.
Пра важнасць паседжання і далейшыя планы кажа спікерка Каардынацыйнай Рады Анжаліка Мельнікава:
– Быў створаны шэраг камісій, якія займаюцца рознымі накірункамі. У планах фармаванне камісіі па пытаннях палітычных зняволеных і камісія па этыцы. Тая праца, якую зрабілі людзі, вельмі вялікая. Сярод найбліжэйшых планаў – падрыхтоўка да стратэгічнага дыялогу з ЗША. Падрыхтоўка да кансультатыўнай групы «Беларусь – Еўразвяз». Слуханні: па рэформах, па пераходнай справядлівасці, па эканамічнай трансфармацыі. Удзельнічаць у міжпарламенцкай супрацы, каб быць тымі кансультантамі ў прыняцці праектаў, якія могуць тычыцца беларусаў.
Па словах Анжалікі Мельнікавай, у складзе КР на сёння сфармаваны 7 камісій, да якіх беларусы могуць звяртацца з тэматычнымі запытамі. Гэта камісіі: міжнародная, праўная, камісіі па міжнароднай і нацыянальнай бяспецы, па сацыяльнай палітыцы, па адукацыі і навуцы, па рэформах і пытаннях Статута КР.
Цалкам матэрыял:
Беларускае Радыё Рацыя
